منگلورو 6ستمبر (ایس او نیوز) بی جے پی کے ریاستی صدر بی ایس یڈیورپا نے صحافی و جہدکار گوری لنکیش کے قتل کے سلسلہ میں سدارامیا حکومت پر نکتہ چینی کی ۔ منگلورومیں میڈیا سے بات کرتے ہوئے یڈیورپا نے کہا کہ کانگریس حکومت عوام کو سکیورٹی فراہم کرنے میں ناکام ہوگئی ہے ۔ گوری لنکیش کا ان کے گھر پر قتل ریاست کی بدتر لا اینڈ آرڈر کی صورتحال کو ظاہر کرتا ہے ۔منگل کی شام ہوئی اس قتل کی واردات کی جامع جانچ کا مطالبہ کرتے ہوئے انہوں نے کہا کہ جہدکارکلبرگی کاقتل کرنے والوں کو بھی ہنوز نہیں پکڑا گیا۔